ZINCGREFIUS Laurentius

ZINCGREFIUS Laurentius

Zimmerio-Palatinus, Ioh. Sturmium Argentorati audiit, A. C. 1556. Wittenbergae dein Mathematicam excoluit, ac Magister Philosophiae renunstiatus, Nov. Test. Graecum publice profitendi a Senatu Academico facultatem accepit, A. C. 1565. Munificentiâ exin Georgii Palatini adiutus iter in Galliam suscepit, ac Lutetiae Parisior. Astronomica privatim docuit. Iuris dein Licentiam nactus Aureliae, A. C. 1570. post reditum a Friderico III. Elect. in Consilariorum numerum ascitus est, ac Christophoro Frincipi Auriaco copias auxiliares adducenti, a bellicis consiliis fuit, A. C. 1574. obiit A. C. 1610. aetat. 71. Praeter Consilia Principibus suis impensa, multos ICtos novitios ad praxin manu suâ duxit. Horis succisivis historiarum lectione se oblectavit, dicere solitus, cum Plinio, Nullum esse librum tam malum, ut non aliquâ parte prosit. Symbolum habuit, Wie Gott will. hôc versu Latinô expressum, Sic mihi cuncta cadant, ut fert divina voluntas. Coetera ipsi familiaria apoph thegmata haec praecipue fuêre: Nullam esse suaviorem harmoniam, quam cordis et linguae; Musicam omnium pulcherrimam esse mores concinnos: Litem lites parere: Satius inter honos quam inter claros, habere nomen etc. Vide Melch. Adami, Vitis Ictorum.